قصة أختي بقلم أمل مصطفي

الفصل الأول

في إحدي أحياء الإسماعيلية في منزل جميل يدل علي يسر حال أهله
خرجت فتاه جميله من إحدي الغرف وهي ترتدي فستان طويل مشجر يزينها حجاب كافيه تزين ملامحها الجميله ابتسامه ناعمه لتقترب من تلك السيده التي تجلس علي طاوله الطعام تتناول بعض اللقيمات جوارها يجلس رجل في أخر العقد الخامس بوجه صبوح
القت الفتاه التحيه بصوت عذب هادي مثلها رفعت السيده وجهها :
– صباح الورد علي قلب ماما

اقتربت من والدها تلف يدها حول عنقه بدلال وهي تطبع علي وجنته قبله :
– صباح الخير علي أجدع أب في المنطقه كلها
ليتعال صوت إبراهيم بضحكه صاخبه علي دلال ابنته ويجذب إحدي يديها التي حول عنقه و يقبلها بحب :
– مافيش صباح من غير طالتك اللي بتسعد يومي يا قلب بابا
ثم أكمل بحزن :
– مش عارف هكمل أزاي لما ييجي ابن الحلال ويخطف زهره بستاني
جلست جواره تتأمل ملامحه التي خطها الشيب لتزيده هيبه وشموخ :
– متخافش يا حجوج أنا هشرط عليه يجبلي شقه قريبه منك عشان أصبح عليك كل يوم من الشباك
هتف بعدم رضي :
– وليه جنبي ما تسكني في الشقه بتاعتك اللي بنيهالك
تحدثه نيره برفض :
– لا يا بابا لو هو وافق علي حاجه زي دي ارفض الإرتباط بيه علي طول
نظر لها والدها بإستنكار :
– ترفضيه لأن وافق انك تعيشي معانا
ابتسمت بمرح علي هيئته :
– لا يا بابا بس أنا عايزه اتجوز راجل بجد يبني حياته بتعبه ومش يقبل من أهل مراته جنيه عايزه راجل مسؤل أحس معاه بالأمان و أن الدنيا لو مالت عليا يبقي هو سندي
ابتسم والدها بحنان :
– وأنا عمري ما أفرط في حته من قلبي غير للي يستحقها
قبلت يده ثم نظره في فونها لتقف بفزع :
– كده يا حج أخرتني و حنان هتعلقني
ثم ركضه للخارج

وصوت والدتها يصحبها :
– سلمي علي أختك وبوسي الأولاد وحشوني
– حاضر يا ماما سلامك وصل من الوقت
خرجت وأغلقت خلفها الباب في طريقها لمنزل أختها الكبري
*****
في منزل أخر يجلس شاب علي طاوله الطعام جوار أمه التي كدست الطبق الموضوع أمامه بالطعام
وهي تهتف :
– كل يا ضنايا أنت شكلك ضعيف اليومين دول اتغذي يا حبيبي كله من خير أبوك
تناول إحدي شرائح الخيار من الطبق أمامه وهو يسألها :
– هاا أيه رأيك يا أمي أنا عايز اخطبها يمكن دي اللي تعرف تعدل حالي
مصمصت فاتن شفتيها بسخريه :
– يعني سبت البنات كلها ومش لاقي غير دي دانا مش طايقه وجود أختها معايا في البيت أروح أجيبها هي كمان هما بنات سهر عاملين لولادي سحر عايزه تكوش علي الولدين اللي حيلتي
تحدث فادي بتروي حتي يكسب عطف أمه التي لا تقبل زوجه أخيه ولا أهلها :
– ياما البت فرسه وعايز خيال شديد
أعتدل بجلسته في خيلاء :
– وطبعا مافيش زي ابنك يقدر يروضها
ثم تحدث بخبث حتي يلين :
– طول ما أنا بره هخليها معاكي هنا تخدمك و تعملك كل طلباتك زي ما أنتي عايزه وأكتر
لتعتلي وجهها ابتسامه زهو وهي تتخيل نيره تقوم بخدمتها وهي تجلس علي إحدي الأرائك و تنهرها علي كل كبيره وصغيره لأنها لم تستطع فعل ذلك مع أختها حنان لأن محمود ابنها الكبير رفض التواجد في العائله حتي تأخذ راحتها
رغم أن حنان تطل عليها كل يوم وتجلس معها وتنزل لها من أي طعام تصنعه في منزلها وتساعد في ترتيب المنزل لكن هذا ليس طموحها فهي تريد أن يكون كل شيء علي مرأي عينها وتتحكم في زوجته
*****
توقف التاكسي تحت منزل محمود ونزلت نيره تناول السائق المال المحدد ثم رفعت وجهها تتأمل منزل أختها وهي تشعر بالتوتر كلما دخلته لكنها لا تستطيع رفض طلب أختها الكبري أبدا

سمت الله وقرأت بعض الآيات القرآنيه وهي في طريقها للداخل حتي لا تلتقي بحماتها التي ترمقها بنظرات ساخطه كلما أتت لزياره أختها
سمعت صوت يصدح خلفها بسخريه :
– يا مرحب بالسنيورة نفسي مره تخبطي عليا قبل ما تطلعي لأختك
تمتمت نيره لنفسها :
– سلاما قولا من رب رحيم حتي القرآن اللي قرأته ماعرفش يصرفها
إلتفتت ببطيء وهي تحاول رسم إبتسامه مجامله علي وجهها الصبوح :
– صباح الخير يا طنط فاتن أنا بس بخاف أسبب لحضرتك إزعاج تكوني نايمه ولا حاجه وبعدين مين يهرب من شوفه القمر ده
لعنه فاتن في سرها عذب لسانها هي وأختها التي لا تعطيها فرصه في اصطياد أي خطاء عليها تدخل به المشاكل علي بيتها حتي تبعد أبنها عن سحر تأثيرها عليه
وقفت نيره بضيق وهي تراها تتأمل كل إنش بها دون كلام وهي تريد الهروب قبل خروج ابنها فادي الذي يحرقها بنظراته ويجعلها تشعر بأنها عاريه : طب بعد إذن حضرتك اتأخرت علي حنان
استعدت فاتن لدخول شقتها مره أخري وهي تهتف بسخريه :
– أه يا أختي وماله سلام
ثم أغلقت باباها بقوه

الفصل الثاني

تنفست نيره الصعداء وهي تتوجه لشقه أختها طرقة بابها قابلتها ملامح حنان العابثه وهي تهتف بعتاب :
– ما كان لسه بدري
دخلت وهي تبحث بعينها عن زوج أختها حتي تتحدث براحتها علمت حنان ما تكنه أختها هتفت بهدوء :
– مش موجود نزل هاا قابلتك برده
جلست وهي تلتقط أنفاسها كأنها كانت تحمل أثقالا :
– أه أنا بخاف من نظرتها وكلامها مش عارفه أنتي متحمله أزاي

جلست حنان جوار اختها المرتعبه من مجرد رؤيتها التي لا تتعدي الدقائق لتبتسم لها بحب :
– أنا في حمايه محمود ومهما حاولت عشان تتدخل في حياتي مش بيعطيها فرصه عارفه يا نيره لو كان جوزي واحد تاني غير محمود كان فات حياتي جحيم منها ومن تحكمتها
زينه ملامحها ابتسامه رومانسيه وهي تردد :
– لكن محمود عامل زي السد المنيع اللي بتحامي فيه من العالم أسد واقف بيني وبين أي حد يفكر يبصلي حتي لو كانت مامته رغم حبه و إحترامه الشديد ليها بس عارف أنها لو لاقيت فرصه تبهدلني مش هتتأخر
تركه ما بيدها تستمع لحديث أختها بإهتمام و حالميه وهي تتمني أن تجد مثل هذا الحب الذي خطف قلب حنان وجعلها تقبل به وهي صاحبه دراسات عليا وهو خريج دبلوم صنايع لكنه لا يعمل به فهم يمتلكون أكثر من محل لأدوات السباكه ورغم مرور ٨سنوات علي زواجهم لم يجرحها يوم أو يغضبها
اخرجها صوت أختها :
– افطري عشان نخلص بدري قبل ميعاد دروسك

وقفت نيره وهي تحمل بين يدها باقي كرواسون تقضمها بهدوء وهي تشجعها :
– طب يلا أنا كده تمام
*****
صرخ في وجه أخيه بكل غضب وهو يتحرك بضيق من نفسه بسبب ارتفاع صوته في وجود والده الذي ينكس رأسه بحزن علي تصرفات ابنه الغير محسوبه وقد يترتب عليها خساره اسمه وسمعته التي كانت رأس ماله بين الناس
اقترب منه وهو ينهره :
– أنت عايز أيه بالظبط مننا كل شويه نصيبه أكبر من التانيه أمتي هتبقي راجل و مسؤل مره نجيبك من القسم بسبب خناقه شويه بلطجيه ومره تتمسك بسيجاره حشيش والمره دي تحرش
ليخرج فادي عن هدوئه :
– مافيش حاجه من دي حصلت دي بت كدابه كل ده عشان مش معبرها بتعمل كده عايزه اتدبس فيها
ثم رفع نظره اتجاه والده عله يساعده لكنه لم يرفع رأسه يبدوا عليه التعب
سمع صوت أخيه الذي تحدث بتهديد :
– لو مافيش حل غير إنك تتجوزها هجوزها لك غصب عنك عشان الفضايح

ثم شاور علي والده :
– ذنب أبوك أيه اللي عاش بين الناس مرفوع الرأس ومعروف بسمعته الطيبه وقربه من ربنا بعد العمر ده تحمله عارك
لم يعترف بخطئه بل تمادي وهو يتحدث:
-أنا اتكلمت مع أخوها ياخد قرشين ويقول أن مافيش حاجه حصلت وإلا شوهت سمعتها
رفع والده وجهه بصدمه وهو يشاور لمحمود الذي اقترب منه بلهفه : نعم يا حج

خرج صوته مختنق ضعيف :
– روحني البيت يا حبيبي محتاج أرتاح شويه
مد يده يساعد والده في الوقوف ليتقدم فادي يأخذ يده الأخري لكن والده رفض عندما سحبها منه بعنف لكنه لم يرضخ لوالده وجذب يده مره أخري وهو ينحني يقبلها ويعتذر :
– سامحني يا أبا ماعنتش هعمل حاجه تضايقك بس سيبني أساعدك
ربت محمود علي يد أبيه في الخفاء حتي يتركه يساعده لعل و عسي يلين عندما يشعر بتعب والده
تنهدت نيره بإرهاق : أخيرا خلصنا
ضمتها حنان بحب :
-ربنا يخليكي ليا وعقبال ما اتعب لقمر العيله في بيت عدلك إن شاءالله
نظره لها بملل : لسه بدري
قرصتها من وجنتها بحنان وهي تنهرها :
– مستعجله علي أيه يا ذئرده هو في أحسن من بيت بابا
شهقت وهي تهتف :
– يعني بيت أبيه محمود وحش أنتي زهقتي منه ولا أيه
ثم أكملت بشقاوه تحت نظرات أختها الهادئه :
– يعيني عليك يا أبيه محمود حبيت أمرأه ناكره للجميل
ضحكه حنان بقوه :
– يلا يا ست حشريه ميعاد درسك
تناوله نيره حقيبتها وهي تقبل وجنه أختها بحب و تحركه اتجاه الباب كادت تفتحه عندما وجدت أمامها محمود هتفت بفرحه :
– أزيك يا أبيه وحشني
لم يكد يرد عندما أتت حنان بلهفه وخوف فهذا ليس ميعاد رجوعه :
– محمود مالك يا حبيبي فيك حاجه أنت كويس
دخل من الباب بعد أن وسعت له نيره :
-متخافيش يا حبيبتي أنا بخير بس كنت بوصل الحج وقولت افوت أشوفك قبل ما أرجع الشغل ادخلي يا نيره
– معلش يا أبيه هتأخر علي الدرس
– تعالي بس وأنا أوصلك في طريقي
خرجت وهي تغمز بعينها :
– لا اسيبك مع مزتك و أفر أنا مش عزول سلام
ابتسم الإثنين علي مرحها وبعد غلق الباب اقترب منها محمود يريد الهروب من تعبه النفسي والجسدي بين يديها ترجم مشاعره عندما اقترب وضمها لصدره وهتف بحب : وحشتيني
وضعت رأسها علي صدره وإحساس الأمن والأمان يعتريها عند ضمته لها همست بحب :
– وأنت أكتر فيك أيه ليه الحزن اللي في صوتك ده
زاد من ضمها له :
– مش وقته لما أرجع بالسلامه هتكلم معاكي
ثم رفع وجهها : أنا ليا مين غيرك يشاركني تعبي وهمومي
ابتسمت برقه وهي ترفع يدها علي ملامحه :
– وأنا موجوده في أي وقت عشانك و أحل ما علي قلبي أن اشيل عنك كل حاجه بتوجعك
*****
نزلت نيره وابتسامه عذبه تزين محياها من الحب و اللهفه التي دائما تراها في عيون أختها وزوجها تمتمت لهم في سرها أن يديم عليهم الحب والحنان
تجمدت مكانها و تخشب جسدها عند سماع صوته وهو يتحدث :
– أيه ده معقول حظي حلو كده عشان أشوف القمر والشمس مجتمعين في شخص واحد أمتي بقي الجميل يحن عليا ويلين
استجمعت شجاعتها وهى تحاول نزول درجات السلم المتبقيه لتجد يده التي قبضه علي مرفقها بقوه وهو يتحدث من بين انفاسه :
– مالك سايقه الدلال عليه ليه
ثم أكمل بطريقه بعثت رعشه في جسدها وهو يمرر عيونه عليها بطريقه قذره :
– أه الدلال مخلوق عشان فرصه زيك بس كفايه كده بقالي كام سنه متحمل
عجز لسانها عن الرد والحركه كادت تنهار وتبكي عندما أنقذها صوت زوج أختها الذي هتف بقوه :
– في أيه هنا
انتفض فادي وهو يترك يدها ويبتعد ويرفع عيناه بتوتر لأخيه :
– أبدا مافيش حاجه
و رمقها بنظره تهديد

الفصل الثالث

انتفض فادي وهو يترك يدها ويبتعد ويرفع عيناه بتوتر لأخيه : أبدا مافيش حاجه
و رمقها بنظره تهديد وهو يكمل:
– كنت بسلم علي أنسه نيره وراجع المحل
ثم نزل السلم دون كلمه زياده
بينما توجه محمود لنيره وعيونه تسير علي ملامحها ال متجمده كأنها في حاله صدمه هتف بحنان :
– مالك يا حبيبتي أوعي يكون ضايقك لو عمل أي حاجه معاكي قولي وأنا أربيه
استعادة نفسها وهي تتحدث بنفي :
– أبدا يا أبيه مافيش حاجه
– طب يلا يا حبيبتي أوصلك في طريقي
استجابت له ونزلت خلفه ، زوج أختها رجل بحق متدين محترم يعرف الأصول جيدا لذلك نزل قبلها حتي تكون خلفه سألت كيف شخص مثله يكون له أخ بأخلاق فادي
فتح لها الباب جلست في صمت عكس شخصيتها معه ليعلم أن بها شيء
سمعت صوته يعاتبها : مش أنا زي أخوكي
إلتفت له بوجهها تسأله بتعجب :
– أيوه طبعا يا أبيه ليه بتقول كده

– لأن شايفك متغيره من وقت ما نزلتي ومش عايزه تقولي أيه ضايقك
شعرت بحيره كبيره رغم خوفها الشديد من فادي لكنها تخاف علي حدوث شرخ بينه وبين أخيه أو الأسوأ بين أختها وزوجها الذي تعشقه هي تعلم جيدا إذا وصل لحنان ما فعله معها لن تصمت أبدا خوفا عليها كثيرا ما حذرتها من التعامل معه وعدم فتح الباب له في غيابها مم جعلها تهابه دون معاناه
شعر بتوترها ليلعن أخيه في سره فهو تحمل تهوره و مجونه كثيرا
إلا هنا لن يقبل أو يتحمل تلك المره قد يخسر حياته وقلبه في لحظه واحده
يعلم جيدا أن زوجته تتعلق بأختها كثيرا ولن تمر أي شيء يمسها مرور الكرام
*****
جلس في فراشه وهو يستعيد حياته الجميله الهادئه من راحه البال و الرضي وزادت سعادته بإبنه البكري الذي ورث منه كل صفاته يعلم جيدا أن البطن متقلبه لكن لم يتوقع أن يكون الفرق بهذا السوء لقد افسده دلع أمه التي دائما تشجعه علي أي شيء يفعله حتي لو خطاء في خناقته بررت أنهم أكيد من أخرجوه عن هدوئه ويوم سيجاره الحشيش ما كل الشباب كده لأزم تحرب وتفهم وبكره يبتعد عن تلك الحياه
وإذا علمت بموضوع التحرش سوف يكون ردها مثل ابنها هذا إفتراء تقوله طمعا في المال
دخلت عليه وهي تحمل بيدها صينيه عليها عصير وبعض حبات الفاكهه وضعتهم أمامه علي الطاوله جوار السرير وهتفت بهدوء عكس شخصيتها خوفا من ارتفاع ضغطه كما حذرها محمود
– مالك يا حج روق كده و سيبها لله بكره كل الأمور تبقي عال و يعقل وتفتخر بيه
نظر لها بسخريه :
– أنتي مصدقه كلامك ده ابنك داخل علي التاسعه وعشرين سنه مافيش في حياته غير السرمحه حمل الشغل علي أكتافي أنا وأخوه نفسي أرتاح بس عارف أن محمود هو اللي هيتظلم ومش هيلاقي كتف يشيل عنه أو يسنده أخرجي و سبيني أنام
كادت تتحرك عندما رن باب شقتها وقبل أن تخرج نادها :
– لو حنان خليها تدخل
رمقته بغضب مستتر والغيره تنهش قلبها:
-بس أنت تعبان
– بقول خليها تيجي عايز أشوفها
توجه لباب المنزل فتحته ليصدق حدسه عندما وجدتها أمامها بإبتسامتها العذبه و جهها الصبوح
لتدخل بلهفه : سلامه بابا ألف سلامه
ردت حماتها بعوجه فم : نام أصله تعبان
– ألف سلامه عليه
قبل أن تكمل سمعت نداه :
– تعالي يا حنون أنا صاحي
شعرت حنان بحرج لكنها توجه لغرفته بلهفه ودخلت من الباب بإبتسامه كبيره :
– كده يا بابا تقلقنا عليك
فتح لها ذراعه لتتوجه له تضمه وتقبل رأسه :
– سلامتك ألف سلامه يا حبيبي شفاك الله وعفاك
مرر يده علي رأسها بحب أبوي :
– أنا بقيت بخير لما شوفت طلتك عليا ربنا ما يحرمني منك أنتي و الغالي أنتم سبب سعادتي الولاد في المدرسه
تأملت ملامحه المرهقه وهي ترد :
– أه يا بابا لما يرجعوا هاجبهم لحضرتك مالك يا بابا ليه مهموم كده وحزين
– ماله يا أختي شويه إرهاق هينام ويرتاح يصحي زي الفل
إلتفتت حنان لحماتها التي تقف علي باب الغرفه والضيق واضح عليها :
– طبعا يا ماما إحنا مالناش قيمه من غير وجوده
وقفت حتي تتركه يرتاح لكنه اعترض :
– رايحه فين
رسمت علي وجهها ابتسامه :
– اسيب حضرتك ترتاح وعلي ما تصحي أكون جهزت لك ورق العنب المسقي بشوربه اللحمه الضاني زي ما بتحبها
– أنا مش بحبها غير من إيدك يا حبيبتي
لترد زوجته بغضب :
– طب أنا بعملها أحسن بشهاده الجميع
اقتربت منها حنان : طبعا يا ماما ومين يقدر يقول غير كده أنا فين وحضرتك فين طب أنا نفسي أبقي في نص شطارتك ونفسك في الأكل
ابتسمت بزهو بينما ابتسم حسام علي فطنتها وذكائها لتغمز له في الخفاء وهي في طريقها للخارج لتصدع ضحكته رغم ألم صدره
****
وقف محمود أمام السنتر يودعها بإبتسامه حنونه وهو يهتف :
– خلي بالك من نفسك وفي أي وقت تحتاجي أخوكي في لحظه تلاقيني موجود
قابلته بنظره تقدير و إحترام :
– ربنا يخليك ليا يا أبيه مع السلامه
ابتعد وهو يتابعها في مرآه سيارته
بينما توجه لها صديقتها وهي تردف :
– جوز أختك ده جبار اليوم اللي بيوصلك فيه بيبقي عيد عند المجموعه طول بعرض سماره حاجه تخطف القلب تدينه ما بيرفعش عينه علي وحده فينا ده حلم كل بنت
رفعت عينها بملل من تلك الفقره التي تتكرر لما اوصلها زوج أختها وتحدثه :
– وأنا هقولك نفس كلام كل مره حنان متربعه علي قلب أبيه محمود وعيونه مش بتشوف حريم غيرها ومكتفي بيها يلا المستر هيبداء
*****
ساعدت حنان والده زوجها مثل كل يوم وعندما تجهزت للصعود حتي تعد طعام حماها وأبيها
نادتها سهر : استني عايزاكي في موضوع
لم ترتاح لطريقتها لكنها توقفت وإلتفت لها بهدوء :
– خير يا ماما في حاجه
شاورت لها سهر تجلس وجلست أمامها وتحدثه بطريقه آمره :
– عايزين نخطب نيره لفادي
انقبض قلب حنان لكنها اسدلت ستائر الهدوء :
– نيره لسه ثالثه ثانوي وبابا مش بيخطب البنت قبل ما تنهي دراستها الجامعيه يعني لسه قدامها بدري
– لا بدري ولا حاجه نقراء الفاتحه و نستني لحد ما تخلص
وقفت وهي تستعد للرحيل :
– والله موضوع زي ده ماليش فيه كلمه لأن الرأي الأول والأخير لبابا هعرض عليه الموضوع وأرد علي حضرتك بعد إذنك
الخوف علي اختها ينهش قلبها فادي شخص غير أمين علي أي شيء فهو لعوب صاحب مزاج لا يهتم بمشاعر أحد تحركه غرائزه لو كان يملك جزء صغير من أخلاق أخيه و والدهم لم تكن تعترض أبدا لكنه علي النقيض تمام
*****
تحدث بعتاب وهو يتأمل ملامحها :
– بقي كده يا زينبو عايزه تسبيني وتقعدي عند أختك اسبوع بحاله قلبك طاوعك
تأملت معالمه التي تعشقها منذ أول لحظه بحب :
– عايزاك تخرج وتفك عن نفسك زي الشباب يا حبيبي بدل ما أنت رابط نفسك جنبي زياد جالك كام مره عشان تروح الرحله معاهم وأنت رافض وأنا عارفه أن أنا سبب رفضك
كاد ينفي عندما قاطعته :
– ما تكدبش أنت أبني و فهماك من نظره عنيك أخرج وعيش حياتك وأنا في البيت أنا بتعب زياده لما ألاقيك من البيت للشغل
قبل يدها : أنا حابب كده مش عايز اسيبك لوحدك افرضي تعبتي ولا احتاجتي حاجه في غيابي يبقي أيه العمل
– هو أنا في صحراء ما الجيران جنبي ومافيش حد منهم بيتأخر عليا ماتشغلش نفسك بيه العمر بيجري ودي سنه الحياه عايزه اطمن عليك قبل ما الحق ياخد حقه
ضمها بخوف : بعد الشر عليكي يا أمي ليه كده أنا ليا مين غيرك بعد ربنا
تنهدت بحزن من خوفها الدائم عليه إذا حانت لحظتها وهو وحيد ليس لديه حبيبه أو زوجه تملاء فراغ حياته إذا تركته جربت معه كل الطرق حتي يأخذ إحدي فتيات الجيران المهوسين به لكنه رافض الفكره
أنه يخاف أن يخطاء الاختيار ويأتي بزوجه لا تراعي ضميرها مع أمه لذلك ترك الفكره من الاساس رغم العروض الكثيره التي تأتيه دون تعب
*****
يجلس مع اصدقاء ينفس دخان سيجارته وهو يتابع دخانها الذي يكون أشكال في الهواء باستمتاع
ليهتف ساهر :
– البنت جبانه يعني لو هددتها واتصورت معاها كام صوره ونعملهم فوتوشوب هما اللي هيجروا وراك عشان تستر عليها
تحدث وهو مازال علي وضعه يتابع دخان سيجارته :
– طول عمرك غبي الحج كاتب كل حاجه بإسم محمود البرنسيسه نيره غاليه عنده عشان عيون الكونتيسه بتاعته سهل يرميني بره البيت والشغل وابقي في الشارع و أبويا واقف دايما في صفه ووقتها أمي مش هتعرف تعمل حاجه وأنا اللي هدفع الثمن غالي جدا

– أنا عندي الحل بس قبل أي حاجه عايز الحلاوه بتاعتي
كانت تلك كلمات صديقه الثالث حازم إلتفت له الجميع بفضول
غمز حازم بخبث وهو يشاور له بأن يعطيه ما يريد أولا زفر فادي وهو يخرج بعض المال من جيب بنطاله
تناولهم حازم بشيطانيه : اسمع يا سيدي

الفصل الرابع

طرقت باب غرفه اختها ودخلت تتأملها وهي ترتدي ملابسها ابتسمت نيره لإنعكاس صوره أختها التي اقتربت منها تضمها بحب :
– ممكن طلب من لجميل بتاعي
– لا يا حنون أنا كده هتأخر علي الدرس
– هو أنا لسه قولت حاجه
– مش محتاجه تتكلمي عشان أعرف أنتي عايزاني أوصل عبدالله للتدريب
ضحكه حنان : هو أنا مشكوفه قوي كده
رجعت لها نيره بعد أن ابتعد عنها :
– لا يا حبيبتي أنا حافظه النظام لما أبيه محمود يسافر شغل يومين حضرتك تيجي تقعدي عندنا مش عايزه تعملي أي حاجه و مالكيش مزاج لأي حاجه حتي مشاوير ولأدك
تحدثه بدلال : يعني خساره فيه
قبلتها نيره وهي في طريقها للخارج :
– مافيش حاجه خساره في أبيه محمود
خرجه حنان خلفها بغيره :
– قصدك أيه يا بت أنتي مالك ومال محمود أيه جاب سيرته الوقت
ضحكه بقوه علي غيره اختها وهي تعتذر:
– مش قصدي أي حاجه يلا يا بودي عشان اوصلك
وقف عبد الله بملل في إنتظار التاكسي :
– وبعدين يا خالتوا أنا كده متأخر علي كابتن ياسر وبيزعل مش بيحب المتأخرين
– حاضر يا حبيبي أنا طلبت اوبر وزمانه علي وصول
زفر بضيق : أنا هقول للكابتن يزعل منك أنتي لأن أنا اتأخرت بسببك
شهقت نيره : بقي كده يا بودي بقي أنا متأخره علي الدرس بسببك وفي الأخر تبعني
– معلش يا خالتو أنا مش عايز الكابتن يزعل مني لكن أنتي عادي
– خايف علي زعل الكابتن و خالتو لا
– أنا بحبك والله و خايف علي زعلك بس هو أكتر
توقفت أمامهم السياره وركبوا لتتحرك بهم تحدث عبدالله :
– هو جدو مش بيجبلك عربيه ليه بدل البهدله دي
– والله نفسي يا بودي بس جدو خايف عليه بيقول لسه صغيره علي تعليم السواقه
شوح بيده :
– صغيره أيه بس ده صاحبي بيسوق عربيه باباه هو بيقولك كده عشان متزعليش لأنك بتخافي من الطريق
رفعت عينها بعدم تصديق :
– أنت بتتعامل مع مين اليومين دول
توقفت السياره أمام النادي وعندما ترجلوا منها ركض بودي للداخل لتهتف نيره بضيق : بودي استني
لتتحرك خلفه في خطوات واسعه حتي تلحقه لتجده يتعلق بشخص من الخلف
– كابتن أنا اسف لأن أتاخرت
ليرفعه ياسر بين يده بحب :
– مافيش مشكله أنا النهارده اعتذرت عن المجيء بدري
– أنا كنت خايف حضرتك تزعل مني وقولت لخالتو أنك تزعل منها لأنها هي اللي أخرتني
وقفت نيره تتابع الموقف من مسافه قريبه إهتمامه بأبن أختها وحمله له كأنه أب أو أخ كبير وليس مدرب
نادها بودي وهو مازال علي يد الكابتن :
– تعالي يا خالتو كابتن ياسر مش زعلان
اقتربت في خطوات شديده الخجل مم وضعه بها ابن أختها
تابع ياسر قربها و خجلها لم تقترب بالقدر الكافي ولم تنطق بل مده يدها لعبد الله الذي اقترب منها بعد أن أخذ الموافقه من نظره الكابتن
تناولت يده و تحركه وهي تحدثه بعتاب :
– كده يا بودي تحرجني كده قدام راجل غريب يصح تقولي تعالي الكابتن مش زعلان وتتكلم معايا كده
– أسف يا ناني مش هتكرر تاني بس أنا فرحت أنه مش زعلان مني
*****
رجع ياسر المنزل شارد وابتسامه ناعمه تزين محياه مم لفت نظر والدته التي اقتربت منه بحنان :
– هاااه نقول مبروك
نظر لها بعدم فهم
أكملت : شكل السناره غمزت
ضحك هو يحتضنها :
– هي بتتباع ولا أيه هخرج من غير بنت حلال و هرجع بيها ده كلام يا زينبو
تحركه اتجاه المطبخ وهى خلفها :
– لا مش بتتباع بس ابتسامتك دي فيها إعجاب الدخله دي جديده عليك
رفع غطاء الحله ليجد حبه مد يده تناول صابع محشي ليرفعه لفمه :
– أنا وقعت في حب حله المحشي بتاعتك وبس
تحدثه بسخريه :
– لا يا خويا أنا عيزاك تقع في حب اللي هتعملك حله المحشي
اقترب منها وهو يغمزها في خصرها بطريقه جعلتها تقفز وهي تصرخ :
– ما أنا بحبك يا مزه
صرخه زينب وهي تنهره :
– مش قولتلك مش بحب الحركه دي عقابا ليك أنت اللي هتخرج الأكل كله
وتركته وتوجه للخارج
نظر علي الطعام ثم تحدث بصوت مرتفع :
– طب كنتي اغرفي أول يا حجه وأنا أخرجه
*****
– كل ده يا أمي ماحدش رد عليكي
فاتن بعدم رضي : لا يا خويا كل مره مرات أخوك تقول حجه شكل أنا عارفه أنها بتتهرب بس علي مين أن ما خربتها عليها
– خربتيها أيه يا أمي أنا بقولك عايز أختها
– يا خويا يعني الدنيا خلصت من البنات أنا نفسي نصيبك يبقي أحسن من نصيب أخوك
– يوووه يا أمي كل مره نفس الموال
****
رن هاتف حنان لتجد نيره
ردت بمشاكسه :
– خير البرينسس سايبه دروسها وبتتصل بيه يعني
عقدت حاجبيها وهي تسألها
-تحت البيت فين ، طب وليه مطلعتيش.. أيوه عنده تدريب النهارده بس اطلعي عايزه أشوفك .. لا ماتقلقيش حماتي عند اختها النهارده
بعد فتره وجدت اختها أمامها متغيره كيف لم تلاحظ ذلك لمعه الحب واضحه بعينها طلبت منها الجلوس وهي أيضا جلست أمامها تستشف ما بها :
– مالك يا نيره بقالك أكتر من شهر بتصممي تروحي مع بودي رغم انشغالك وامتحاناتك اللي علي الأبواب فيكي أيه متغير أو أيه جذبك في تدريب عبد الله
توتره نيره أكثر وهي تهرب من أختها بعينها :
– أبدا مافيش
اقتربت حنان اكثر ورفعت يدها لترجع وجه أختها مقابلها :
– أنتي كنتي بتهربي مني لما اطلب منك توصليه وفجأه بقيتي عايزه تروحي معاه كل يوم اتكلمي معايا قوليلي أيه الجديد في حياتك ليكي مين غيري تحكيله
ارتمت نيره فجأه في حضن اختها التي استقبلتها بحب وهتفت بخجل وهي علي صدر أختها :
– أنا بحب كابتن ياسر جداا ومش قادره اتخيل يوم من غير ما أشوفه غصب عني اتعلقت بيه وكل مره أقول دي أخر مره أروح ألاقي حاجه أقوي مني بتشدني ليه أه مافيش بينا كلام غير كلمه أو اتنين عن بودي بس بس مش عارفه
حركه حنان أناملها علي ظهر أختها كابتن:
– ياسر من الشباب المحترم اللي بيراعي ربنا في تصرفاته وسمعته طيبه بقالي كام سنه معاه مافيش مره تطاول علي حد ولا تعدي حدوده بس خايفه يكون اللي أنتي فيه ده حب مراهقه أو الأسواء حب من طرف واحد
ابتعدت عن صدر أختها تسألها :
– طب وأعرف أزاي ومافيش بنا كلام
قرصه وجنتها وهي تتحدث :
– سيبي الموضوع ده عليا و اسمعي
*****
تحدثه بعصبيه : ومالها بنتي يا فاتن مش عاجبه ابنك ليه بقي إن شاءالله
– بقولك أن سهر شكلها عامله حاجه لولادي مخلياهم هيتجننوا علي بناتها وبعدين ما أنتي شايفه أهو بقالي قد أيه بحاول أخرب بينها وبين أبني مش عارفه كأنها محصناهم بس متخافيش أنا مش ساكته لحد ما ننول المراد
*****
دخلت من باب النادي وهي تمسك يد ابنها وجدت عيون ياسر علي باب القاعه وولي أمر متدرب تتحدث معه يرد عليها لكن عيونه تبحث عن أحدهم وعندما وجدها استاذن من تلك السيده
وتوجه إليها بخطوات قويه حتي توقف أمامها علي غير عادته وعيناه تبحث علي شيء خلفها انحني علي عبد الله :
– أخبار البطل بتاعي أيه
أدي بودي التحيه : الحمد لله بخير يا كابتن
سأله ياسر : أنتي جاي المره دي مع مامي ليه خير في حاجه
ردت حنان بخبث و أيه الغريب في كده ما أنا اللي دايما بجيبه

الفصل الخامس

سأله ياسر : أنتي جاي المره دي مع مامي ليه خير في حاجه
ردت حنان بخبث :
– و أيه الغريب في كده ما أنا اللي دايما بجيبه
شعر ياسر بخجل من غباء سؤاله وهتف: – أه طبعا مافيش مشكله
وجذب يد عبد الله وتوجه به لمكان تدريبه بينما تحركه حنان لمكان جلوس الأمهات وهي تبتسم بفرحه كبيره من أجل أختها فهي تري به شاب خلوق محترم ورغم كم الحريم حوله لا يستغل الفرصه في الكلام معهم او استغلال وجوده بينهم ظل تنتظر اللحظه الحاسمه التي تنتظرها لتتأكد مم تري
وقف ياسر مع أحد زملائه يعلموا الأطفال بعض حركات الإشتباك وكيفيه صدها
لتدخل بحياء وهي تتابع ما يحدث وعندما وقعت عيونه عليها تشتت كليا ولم يصد ضربه صديقه لتصتدم بصدره بقوه ليرتد للخلف ومازالت عيونه عليها ورغم عنف الضربه ابتسم وهو يتابعها
اقترب صديقه يعتذر وينظر إتجاه عيناه ليمد ياسر يده يبعد عيون صديقه عنها وهو يهتف بحده :
– عينك أصل اخرمها لك
ابتسم يس وهو يرجع بنظره لها ليقبض ياسر علي فكه بعنف :
– دي تخصني بلاش نخسر بعض
لكمه يس في صدره بهزار وهو يهتف :
– أخيرا يا ياسر ألف مبروك يا صاحبي
ثم اكملوا تمارينهم
جلست جوار اختها التي مالت عليها :
– عملتي أيه في الجدع يا زئرده بقي أنتي اللي خليتيه يتنازل عن وقاره وماعرفش يخبي لهفته ولا فرحته بوجودك أنا واثقه أن كل الموجودين خدوا بالهم أصله كان مكشوف قوي

تورد وجهها من الخجل بسبب مدح أختها التي جذبتها لأحضانه وهي تهتف :
– فعلا يوضع سره في أضعف خلقه
*****
بعد شهر من تلك الأحداث نزل ياسر من التاكسي تحت منزلها رفع عيناه ليقابله مبني فخم مكون من أربع أدوار أنزل عيناه بتوتر لكن لابد من أخذ تلك الخطوه
صعد درجات السلم وهو يسأل نفسه هل ما يفعله الآن صحيح أم أنه تسرع هو يحبها و يتمني أن تكون نصيبه و حلاله ما يقلقه أوضاعه الماليه ليست جيده ويحتاج فرصه حتي يتغير حاله
رن جرس الباب ووقف يهندم ملابسه ويحاول السيطره علي توتره الواضح
ليفتح الباب و يطالعه وجه أبيها ذلك الرجل الذي تجد في ملامحه الطيبه بابتسامته تريح النفس
ألقي التحيه : السلام عليكم ورحمه الله وبركاته
رد إبراهيم السلام : وعليكم السلام ورحمه الله وبركاته اتفضل يا بني
تنحنح وهو في طريقه للداخل ولم ترفع عيناه عن الأرض حتي شاور له بالجلوس اتفضل أقعد تحب تشرب أيه
تنحنح بإحراج : ممكن شاي معلقه سكر
وقف إبراهيم علي الباب ونادي زوجته وطلب منها فنجان من القهوه وكوب شاي
ثم رجع يجلس أمام ذلك الشاب الذي لفت نظره منذ مهاتفته له وأخذ إذن الزياره
– خير يا بني أنت طلبت تيجي تشرب معايا الشاي
إعتدل ياسر في جلسته وتحدث :
– أنا كنت جاي أطلب إيد الأنسه نيره
نظر له ابراهيم في انتظار باقي حديثه
تنحنح وهو يكمل : أنا ياسر محمد المعاملي عندي ٢٨ سنه مدرب كونغ فو في نادي الشمس وحيد والدي متوفي من عشر سنين
تفاجئ من سؤال إبراهيم له : و مرتبك بيكفي الشهر
تحدث وهو ينظر إليه بإبتسامه : الحمد لله مستوره
أوضح إبراهيم كلامه أكثر : يعني ينفع تفتح بيه بيت
تململ ياسر في الرد : صراحه يعتبر ضعيف علي فتح بيت بس أنا بحاول بكل جهدي بعمل شغل بعد فترتي في النادي أنا جت لي فرصه بخمس أضعاف مرتبي بس للأسف ماكانتش مناسبه لظروفي
– خمس أضعاف مرتبك فرصه جميله ليه تضيعها من إيدك
– كنت هسافر بره مصر وماينفعش اسيب أمي لوحدها زي ما حضرتك عارف مالهاش حد غيري
رفع إبراهيم كوب القهوه لفمه وهو يهتف بهدوء :
– بس أي أم كانت شجعتك عشان تبني مستقبلك
– أنا ما بلغتهاش لأن كنت متأكد أنها هتصمم أن أسافر ومش هرتاح هبقي مشتت بين شغلي و قلقلي عليها
– طيب ما بعد الجواز برده هتبقي لواحدها يبقي فرقت أيه

نظر له ياسر بعدم فهم أو حاول أن يكون ما فهمه خطاء :
– مش فاهم حضرتك تقصد أيه
أرجع إبراهيم ظهره وهو يوضح :
– يعني لما تتجوز برده هتبقي لوحدها يبقي ليه ماخدتش فرصتك من الحياه وسافرت
هتف بضيق : أولا أنا مش هسيب أمي في أي وضع من الأوضاع لا بعد الجواز ولا قبله ثانيا الفرصه اللي تيجي علي حساب أمي ما تلزمنيش أنا هتجوز مع أمي في شقتها
نظر له بضيق وهو يهتف :
– يعني عايز تتجوز بنتي في أوضه أنت مجنون
وقف ياسر بكبرياء : الخطوبه عرض وطلب وأنا عرضت علي حضرتك كل ظروفي لو مناسبه تمام مش مناسبه يبقي اتشرفت بمعرفتك
شاور له بهدوء : طيب أقعد لسه ما خلصتش كلامي
جلس ياسر مره أخري وهو يعلم جيداا أن موضوع إرتباطه بها فشل
– بص نيره عندها هنا في البيت شقتها جاهزه خلي مامتك في شقتها و اتجوز هنا
تحدث ياسر ببعض الحده :
– بص حضرتك أنا مش ممكن أقبل أن أعيش مع نسايبي في بيتهم تحت أي ظرف أعيش في إيجار بتعبي ولا أقعد عند أهل مراتي ببلاش ثانيا أنا مش هسيب أمي مهما حصل إلا في حاله من الإتنين أن أموت أو..
إختنق صوته وثقل لسانه من مجرد نطقها وتأثر نفسيا وهو يكمل أو لم يستطع نطقها ليقف وهو يمد يده لإبراهيم :
– اتشرفت بمعرفه حضرتك بعد إذنك
لم يعطيه فرصه للكلام تحرك للخارج وهو يخفض عيناه توقف عند الباب لبرهه تسارعت دقات قلبه بوداع

الفصل السادس

تمني أن يلمح طيفها لأنه متأكد أنه لن يراها مره أخري فتح الباب وخرج والضيق يتغلغل كل خلاياه دون رحمه
نزل درجات السلم بحزن ووجع لما الحياه قاسيه بهذا الشكل علي الفقير لما دائما تريد كسره و إذلاله ألا يكفيه ما يعاني
وقف في الشارع وهو يحاول سحب أكبر كميه من الهواء حتي تزيح هذا الثقل الجاسم علي صدره لكن حتي الهواء رفض مساعدته وانقطع من الطريق
ظل يسير لا يعرف اين يذهب رفع وجهه للسماء يناجي ربه ليهتدي قلبه أن راحته بين أحضانها

هي فقط من تستطيع إزاحه همومه بلمسه حنونه من يدها شاور لتاكسي ركبه حتي يصل إليها و يرتمي بين أحضانها
*****
توجه نيره لأبيها ودموعها تسيل في صمت لا تعلم لم فعل ذلك معه جلست أمامه دون كلام رفع عيناه لتقابل خاصتها الحزينه الباكيه
تنهد وهو يردف :
– أنا قبل كده قولتلك مش هعطيكي غير للي يستحقك أنتي شايفه ظروفه و أوضاعه
– مش مبرر يا بابا مافيش حد بيتولد كبير وياسر قدامه مستقبل وأنا كنت موافقه بكل أوضاعه
– يا حبيبتي مش كل حاجه الماديات بس في أساسيات تكملي جامعتك أزاي علي وضعه ده ده لو عرف يأكلك يبقي من الله وفي كمان أمه الله أعلم ست كبيره ولا مريضه و بتحتاج علاج الدنيا مش سهله زي ما أنتي فاكره
– أنا ممكن اشتغل و أجيب مصاريف جامعتي
وقف إبرهيم بغضب وتحدث بعصبيه تراها لأول مره :
– أنتي مجنونه عايزه بنتي علي أخر الزمن تخرج تشتغل عشان تجيب مصاريفها ماعدش في كلام في الموضوع ده
دخلت والدتها التي جلست جوارها وتكلمت ببعض اللين :
– خلاص يا حبيبتي بابا أدري بمصلحتك ولو شايفه مناسب عمره ما هيرفض
*****
وصل منزله وفتح بابه دخل بأقدام متخازله وجدها تجلس أمام التلفاز تنتظره ابتسمت في وجهه بحب :
– أيه نقول مبروك يا عريس
توجه لها خلع جاكيت بدلته ومدد جسده علي الكنبه التي تجلس عليها والدته ووضع رأسه علي قدمها وضم نفسه لها أكثر مثل طفل صغير يحتاج أمان صدر أمه حركت أناملها بين خصلات شعره بحب : هاا عملت أيه
تحدث بحزن حاول إخفائه عنها :
– مافيش نصيب يا أمي
– ليه كده يا حبيبي أيه حصل هم يلاقوا زيك فين أدب وأخلاق ودين
خرجت منه تنهيده وجع وهو يكمل :
– في فرق بينا وبينهم فرق كبير الفلوس كل حاجه الوقت أهم من التعليم والأخلاق
حزنت علي الإحباط الظاهر في حديث ابنها القوي الذي تحمل الصعاب حتي يصل لما هو فيه
هتفت بحماس الراجل :
-بيعمل فلوس لكن الفلوس عمرها ما تعمل راجل وأنت سيد الرجاله كمان
ثم سألته السؤال الذي تعلم إجابته جيدا من أول لحظه دخل عليها ابنها شارد مبتسم بحالميه :
– أنت بتحبها
تنهد بإشتياق : قوي قوي يا أمي عمري ما تمنيت أسم وحده يقترن بإسمي غيرها بحبها لدرجه بستغرب أزاي دخلت قلبي و سكنته بالسرعه دي
ابتسمت بفرحه ومازالت يدها تتحرك بين خصلات شعره الناعم الزي ورثه من أبيه: طيب خلاص أنا هروح لأهلها و أقنعهم
اعتدل في جلسته وتحدث بتوتر خوفا من أن يتم إحراجها أو جرحها بأي شيء وقتها سوف ينسي حبه ولن ينظر خلفه مره أخري :
– لا يا أمي أنتي أكبر من أنك تروحي لحد وبعدين أنا صرفت نظر خلاص وكل شيء نصيب

– يا حبيبي الطبيعي أن أي حد رايح يتقدم لوحده يبقي معاه أهله مش بطوله كده الناس تقول أيه
نكس رأسه بحزن :
– حصل خير يا أمي كل شيء نصيب
*****
وصلت منزل أختها بعد أن هاتفت زوجها وطلبت منه سرعه الحضور لأنها تريد الحديث معه سلمت علي أختها والحزن يسبح في عينها دخلت جلست في إنتظار محمود
تحدثه معها حنان حتي تخفف عنها لكنها لم تستجب رن الجرس ثم سمعت صوت الباب يفتح لتعلم أنه زوجها وقفت تستقبله بإبتسامه وهي تشاور له علي أختها
توجه محمود لمكان جلوسها :
– أخبار القمر بتاعنا أيه
حاولت رسم الإبتسامه علي وجهها
– بخير
لكنها لم تستطع إخفاء ما بداخلها لتبكي فجأه بطريقه أفزعت أختها وزوجها ليجلسوا جوارها تحتضنها :
– ليه كل ده يا حبيبتي
تحدثه من بين شهقاتها :
– مش عارفه بابا رفض ياسر ليه أنا بحبه عمري ما حبيت حد كده وبابا مش موافق ولما حاولت اتكلم معاه ماما قالت بابا أدري بمصلحتي
محمود بهدوء : بابا أكيد ليه وجه نظر أو في حاجه في دماغه إحنا مش عارفينها بس أنا لما سألت عليه في النادي ومكان سكنه كل الكلام خير و يطمن وبلغت عمي بالكلام ده
تحدثه بلهفه : يعني حضرتك قولت لبابا
– أيوه يا حبيبتي لما حنان قالت أنك بتحبيه وبابا رافض قولت يبقي في حاجه إحنا مش عارفينها ولما روحت لعمي طلع عارف كل حاجه وبرده رفض وقال مش وقته

نكست راسها بحزن
ليهتف محمود : بصي أنا واثق في والدك بس اصبري باباكي مش بتاع ماده ولا عمره فكر فيها اعطيه فرصه
تحدثه بأسف : يعني مافيش فايده
– قومي اغسلي وشك إحنا مش هنمل وهنفضل وراه لحد ما يوافق ده وعد مني
*****
وقفت خارج النادي في إنتظار خروجه وهي تتألم لقد تعمد الهروب منها الفتره الماضيه تعلم جيدا أنه مجروح من موقف أبيها لكن ما ذنبها حتي يعاقبها بتلك الطريقة
لم يحدث بينهم كلام كثير لكنها كانت تستمتع بمراقبته المستمره لها من بعيد مثل ملاك حارس كأنه يخاف عليها من نسمه الهواء حبه غريب يعبر عن مشاعره بنظره عيناه دون كلام
منذ أن قابلته مع ابن اختها وهم لم يتحدثوا أكثر من مرتين خلال التدريب للسؤال عن الطفل فقط
لمحته وهو يأتي في إتجاهها مشغول بهاتفه لم يرفع رأسه بعد ، مالا تعلمه أنه لمحها من أول وهله وظل بعيد يلتقط انفاسه التي سحبها تواجدها في محيطه
حاول بكل الطرق أن يسيطر علي تمرد قلبه ودقاته حتي لا يترك كل شيء خلفه و يركض إليها يبثها إشتياقه وجنونه من بعده تلك الفتره وعدم رؤيتها التي تعطي لروحه السلام
مر من جوارها ولم يرفع عيناه كاد يتخطها عندما سمع همسها الذي أوقفه بل جمده مثل تمثال من ثلج :
– ياسر هو كده خلاص خرجتني من حياتك
ضعف نعم ولما لا ومن تقف أمامه تتحدث بإنكسار من تملك القلب
رفع عيونه تقابل عينها الدامعه :
– ماقدرش أخرجك من حياتي لأنك بقيتي جزء كبير منها بس الإختيار صعب عليا جدا أنا مقدرش افرط في أمي عشان سعادتي و باباكي كان قاسي في قراراته ومش من حقي افرض عليه رأي لو بإيدي هطلب إيدك مليون مره ومش همل من الطلب لكن أمي خط أحمر خارج قانون المنافسه أو المقارنه أتمني تفهميني
فركت يدها بتوتر مم سوف تقدم عليه عندما تحدثه :
– ممكن توافقه علي كلامه ومن ليله الفرح موافقه أرجع معاك علي شقتك
ابتسم بحزن علي تمسكها به وأنها تأتي حتي بابه تستعطفه لقد نقشه اسمها علي قلبه بحروف من ذهب
– نيره الراجل مش ممكن يرجع في كلامه أو ينكس عهد عهده مع حد حتي لو فيها موته يعني يوم ما قوله أنا هعمل كذا يبقي لأزم أعمله بس عشان خاطرك هجرب تاني أنتي غاليه عندي قوي
انار وجهها ابتسامه جميله وتركته و تحركه إتجاه صديقتها التي كانت تنتظرها علي مقربه اوقفت تاكسي وابتعدت
ظل مكانه يتابع ابتعادها بقلب يرقص فرحا وقرر أن يحاول مره أخري مع أبيها
سمعت طرق علي باب شقتها لتتوجه وتفتح الباب وجدت أمامها حماتها وملامحها لا تبشر بخير افسحت لها الباب
لتدخل فاتن بتكبر حتي وصلت للأنتريه وجلست بهدوء :
– يعني بقالي شهرين متكلمه في موضوع ست الحسن أختك وفادي ولحد النهارده بسمع حجج مافيش رد مباشر
صراحه نيره :
– اتقدملها شخص وهي وافقت عليه ومحمود عارف
رفعت فاتن صوتها :
– نعم يا أختي مين ده اللي فضلتوه علي ابني دانا أهد الدنيا
– يا ماما مافيش تفضيل علي حد المسأله نصيب وقبول وبكره ربنا يعوضه باللي احسن منها
وقفت بعصبيه : لا ماما ولا زفت أنا قولت لإبني من الأول إحنا مش شبه الأشكال دي وهو عارف أنها ماشيه مع مدرب ابنك ورغم كده وافق علي عيبها
وقفت حنان بغضب : ماشيه أيه ويستر علي مين أنا أختي اشرف من الشرف واللي يجيب سيرتها بكلمه وحشه أدب صباعي في عنيه
– احترمي نفسك وأنتي بتتكلمي معايا وشوفي بقي يا بنت أنتي لإما أختك توافق علي ابني لا يكون
طلاقك قصادها وهنقول في كل مكان اللي شوفناه وعرفناه عنها
صرخت حنان بكل صوتها :
– شوفي بقي أنا اتحملتك لأخر لحظه عشان خاطر الراجل اللي شايله أسمه وعشان بابا حسام لكن لحد كده مش هقبل كله كوم وأختي كوم تاني ولو وقفت علي طلاقي مش هيهمني حد في الدنيا
رمقتها فاتن بضحكه صفراء و سخريه ثم تركتها ونزلت
انهارت حنان علي الكنبه خلفها بعد نزول حماتها وهي تستوعب هذا الفخ الذي نصبته لها دون أن تدري وهو التوقيع بينها وبين زوجها
*****
تجمد جسده من وقع كلمات أمه علي أذنه لم يستطع النطق بل وقف وتركها بجمود متوجه إلي شقته ليتأكد مم سمع
فتح باب شقته دلف للداخل وجدها تجلس بحزن علي غير عادتها ليعلم أن هناك شجار كبير نشب بينها وبين أمه
يعلم جيدا أن أمه البادئه لأنها لم تتقبل زوجته حتي اليوم هو ليس صغير والعمل في السوق اكسبه خبره التمييز بين الأشخاص
رفعت عينها عندما سمعت صوت المفتاح بالباب خفق قلبها بشده من هيئته والحزن البادي علي ملامحه تعلم جيدا أنها ناولتها الفرصه التي كانت تنظرها من سنين علي طبق من ذهب
جلس أمامها وهو يحاول ضبط أنفاسه والنار المشتعله بقلبه وخرج صوته هادي وهو يسألها :
– أيه حصل النهارده بينك وبين أمي
أخفضت عينها بحزن وندم شديد عندما رأت الوجع بعيناه وتحدثه بصوت منخفض :
– اتكلمت برده في موضوع فادي و نيره وطعنت في شرف أختي وقالت أن ارتباطها قصاد طلاقي
تلعثمت حروف كلماتها ولم تستطع رفع عينها في عيناه :
– قولتلها حتي لو ارتباطها
صمتت برهه تبتلع ريقها بصعوبه تعض علي شفتاها كأنها تهددهم ألا ينطقوا تلك الكلمه أمامه و إحزانه
حتي لو ارتباطها قصاد طلاقي
قدرتي تنطقيها ده العهد اللي عهدناه لبعض أن مهما وجهتنا مشاكل وظروف صعبه الكلمه دي ما تدخلش بينا هونت علي حنان للدرجه دي أنا صغير عندك
ردت بسرعه : أبدا عمرك ما كنت صغير من أول لحظه بينا وأنتي في نظري أعظم راجل وزوج وحبيب
ثم بكت مره أخري :
– بس ماما فاتن مست شرف أختي في الكلام ماقدرتش اسكت المره دي
رفع أنامله يمحي دموعها وهو يحدثها بعتاب :
– و تفتكري أن ممكن أوافق علي مس شرف أختي او اذيتها حتي لو من أمي و أخويا
لم ترد من خجلها اقترب منها يقبل رأسها وهو يتحدث :
– قومي اغسلي وشك خلاص الموضوع انتهي
رفعت رأسها بفزع : موضوع أيه
– موضوع الكلام عن نيره
ثم وقف حتي يبتعد لتقترب منه بلهفه :
– رايح فين
– خارج محتاجه حاجه من بره
– لا بس أنت مش هتتغدا
لم يلتفت : لا ماليش نفس لو احتاجتي حاجه اتصلي بيه

وقفت أمامه : رايح فين يا محمود ده معاد رجوعك بتتغدا وترتاح ساعه
– معلش عندي شغل ضروري وإحتمال انام في المحل النهارده لأن في بضاعه جايه المخازن علي الفجر
علمت أنه مجروح من كلمتها بشده ودعت علي أمه في سرها لأنها سبب الشرخ الذي حدث بينهم لأول مره
*****
– يابني أنا كويسه أخرج من المطبخ هتولع فيه
– عيب عليكي يا زينب أبنك ممكن يهد المطبخ و يبنيه في ساعه
– يا حبيبي الساعه دي حرقت صنيه البطاطس والرز اتحرق مرتين لو أنت مصمم تكمل اليوم يبقي نقضيها عيش وجبنه أرحم
– وبعدين معاكي يا زينب أنا هعمل صنيه خضار باللحمه تكلي صوابعك وراها بس ارتاحي أنتي وسيبي الشيف ياسر يشتغل
همست : شيف أيه و نيله أيه حرقت خزين الاسبوع في ساعه بلا وكسه
– علي فكره أنا سامعك و خزين اسبوع أيه اللي بتتكلمي عنه ده فرخه واتنين كيلو رز وحبه خضار
– واللحمه والرز والخضار التاني ده أيه
كاد يرد عندما رن جرس الباب :
– والله ما انتي متحركه هفتح أنا
هتفت بسخريه : هتفتح الباب بالكرنيب وفوطه المطبخ يا أخره صبري
إلتفت لها وهو يفتح الباب و يحدثها :
– عيبك أنك بتقللي من مواهبي يا زينب عشان كده أنتي محرومه من ابدعاتي
نظر علي الزائر ليجد أمامه إبراهيم بإبتسامه مرحه ليمد يده بسرعه يخلع الطاقيه من فوق رأسه ويترك الكرنيب
ويتحدث بتوتر : أهلا بحضرتك اتفضل
تحدث إبراهيم ومازالت ابتسامته علي وجهه :
– مسموح لحد غير ولدتك أنه يدوق إبداعاتك
فك مريله المطبخ وهو يرحب به رغم جرحه العميق منه لأنه رفض طلب مرتين:
– أه طبعا حضرتك تشرفني اتفضل
ثم تحدث بصوت عالي :
– عندنا ضيوف يا حجه افتحي سكه
دخل ابراهيم وهو يخفض راسها ويهتف :
– يا ساتر
وضع كل ما كان يرتديه علي الطاوله في طريقه لغرفه الجلوس جلس إبراهيم
– تحب حضرتك تشرب أيه
– بتعرف تعمل قهوه ولا دي خارج تخصصك
ابتسم ياسر : دي أكتر حاجه بعرف أعملها عشان مزاج زوبه احم اسف عشان الحجه بتحبها ثواني
خرج مشتت لا يعرف ماذا يفعل دخلت خلفه والدته
– ده مين
إلتفت لها وهو متوتر : ده والد نيره
– طيب أخرج أنت وأنا هجيب القهوه و أحصلك
– طيب تمام أصل أنا مش عارف اتلم علي نفسي من المفاجأه
– انشف يا واد و استرجل في أيه دي البنات ماعدتش بتتكسف
– يووه لأزم اتهزق حتي وأنا عندي ضيوف
اخفضت صوتها حتي لا يسمعه الضيف :
: وأنت علي الكوشه كمان يا قلب أمك
جلس أمام إبراهيم : حضرتك نورتنا
– البيت منور بصحابه طابخ أيه النهارده
– حرق فرخه والرز وصنيه بطاطس واللحمه والخضار كانوا هيحصلوهم لولا ربنا بعتني في الوقت المناسب
إلتف الاثنين علي صاحبه الصوت وجد أمه تحمل صينيه القهوه وقف بسرعه يتناولها من يدها وهو يعض علي شفتاه ويهمس جوار أذنها :
– ليه الفضايح دي
أخذ يدها بيده الأخري حتي يجلسها بإهتمام وعندما جلست وضع الصينيه علي الطاوله أمامه
وأخذ إحدي الفناجين تناولها إبراهيم ثم ناول أمه الأخر
هتفت زينب بترحاب : نورت حارتنا يا حج
– منوره بناسها واصلها يا حجه
– حقيقي أنا حبيت اشوف الأم اللي خلفت وربت وكانت نعمه التربيه ربنا يحفظه من كل شر
ابتسمت بفخر : ياسر ابني نعم الولاد والشباب البار بأهله حرم نفسه من كل حاجه عشان يخلي باله مني حتي حلمه الوحيد اللي هي بنتك ضيعه عشاني ضيع كل أحلامه لدرجه أن بقيت حمل تقيل علي أكتافه
وبكت دون قصد حزنا علي فلذه قلبها الذي لم يجد السعاده
جلس أمامها علي عقبيه وهو يتحدث بلوم:
– كده يا زوبه أنتي حمل أمتي كنتي حمل أنا أبيع الدنيا كلها فداكي عمري وشبابي وحياتي كلها فدي لحظه بقضيها معاكي وفي حضنك أنتي الجنه اللي بحرم نفسي من متاع الدنيا عشان أدخلها
ظل يقبل يدها وهو يكمل : أوعي تقولي الكلام ده أصل أزعل والله
تأثر إبراهيم من الموقف و أدمعت عيناه من هذا الإبن البار وتمني أن يكون له ابن مثله
هتفت زينب بمرح حتي لا تزيد حزنه :
– بس والله مش مسمحاك علي الفرخه اللي حرقتها ذنبها أيه المسكينه
ليضحك كلا من إبراهيم وياسر الذي ضمها بحب وقبل رأسها هجبلك وحده أكبر منها
****
تحمل هاتفها وتتحرك بتوتر شديد لقد اتصلت به أكثر من مره ليرد عليها خوفا أن تكون في حاجته هو أو صغاره لكن عندما علم أنها تفعل كل هذا كأعتذار لم يعد يرد عليها
– ماما أنا جعان وسيف بيعيط ومش عارف اسكته
نظره لصغيرها وهي تبتسم في وجهه
– حاضر يا حبيبي
توجه للمطبخ لتصنع له بعض السندوتشات وتجهز لأخيه أيضا شيء يأكله ثم جلست بينهم في غرفتهم تتابع لعبهم وعقلها مع زوجها
– أنا جاي أخطبك لبنتي وأتمني ما ترفضش
نظر له ياسر بأعين متسعه :
– نعم حضرتك قولت أيه
– شوف يا بني أنا وافقت عليك من أول لحظه دخلت فيها بيتي أنا راجل كبير والدنيا خدت مني كتير مش مولود في بقي معلقه دهب ولا حاجه أنا بدأت من الصفر وأم البنات كانت زي الوتد اللي شادد ضهري كل ما اتعب وإنحني لحد ما وصلت للي أنا فيه الوقت وبعرف في معادن الناس من أول لحظه ابن الاصول بيبان للعين من أول طله حيائك وأنت داخل بيت غريب راسك عيونك اللي ماترفعتش في بيتي تمسكك بأمك رفضك لأي مساعده من أهل خطيبتك كل كلامك دخل قلبي من غير اذن
ياسر بعدم فهم :
– بس أنا جيت لحضرتك مرتين وكان نفس الرد
ابتسم إبراهيم : بشوف قوه إحتمالك يا تري تحت الضغط ممكن تفرط في أمك ممكن حبك لبنتي يغير أخلاقك وتفكيرك في ناس كتير كويسه بس الحياه بتغيرهم واللي يفرط في أمه عشان سعادته سهل عليه يفرط في بنتي لكن أنا وافقت عليك من أول مره حتي لما نيره زعلت قولتلها مش هينفع زعلت مني و اتهمتني أن بدور علي الماده ههه يعني بنتي الضغط وحبها غيره نظرتها ليا المهم أنا بطلب ابنك لبنتي يا أم ياسر أيه رأيك
ضحكه بسعاده :
– ودي فيها كلام ده يوم المني طبعا
رجع بنظره لياسر :
– أيه يا كابتن نقرأ الفاتحه
ياسر بفرحه كبيره :
– ودي فيها كلام أكيد طبعا
بعد الإنتهاء من الفاتحه ظلت زينب تزغرد مرات متتاليه تحت سعاده الجميع
*****
مرت يومان علي تلك الأحداث ظلت بهم حنان حبيسه غرفتها في بيت والدها منذ أن حدثها محمود وهو يطلب منها الذهاب لبيت والدها لأنه لن يرجع البيت في تلك الفتره لتنهار من الحزن لأنهم يبتعدوا عن بعضهم لأول مره وبينهم خصام
ظلت نيره حزينه علي أختها وكلما حاولت الكلام معها لا تفهم ما سبب هذا الحزن لذلك قررت التدخل وبعد الانتهاء من دروسها توجه لمحل حما أختها لتجد محمود يجلس حزين وملامحه تحمل الإرهاق من قله النوم وعندما وجدها أمامه وقف بإبتسامه :
– أهلا أهلا بست البنات أيه النور ده
– أهلا يا أبيه أخبارك
أجلسها وجلس أمامها وهو يطلب من صبيه عصير
بدأت في الكلام : في أيه يا أبيه ليه حضرتك شكلك تعبان وحنان مش بتبطل عياط و حابسه نفسها
علم أنها لم تحكي لهم سبب المشكله وهذا أراحه كثيرا
– مافيش حاجه يا حبيبتي كان عندي شغل كتير وطلبت منها تفضل عندكم اليومين دول وهي زعلت بس النهارده جاي اصالحها و أخدها بس مش عايزها تعرف
وقفت بفرحه كبير : حاضر يا أبيه هستني حضرتك بس أرجوك بلاش تتأخر قلبي وجعني عليها قوي وهي مش بتاكل
– طيب اشربي العصير وتعالي اوصلك
– مش مهم حضرتك هرجع زي ما جيت
– لا أنا هوصلك لتحت البيت
*****
دخل إبراهيم المنزل وجد زوجته تطعم حفيدها بينما تجلس نيره وفي حضنها عبدالله يشاهدون الكارتون ألقي عليهم التحيه وجلس جوار زوجته
– لسه برده في الأوضه
تحدثه بحزن : أه مش عارفه مالها ومش راضيه تتكلم
– بليل محمود جاي يأخدها هي بس تشوفه وهتلافي وشها ده بقي زي البدر في لحظه هي بس مش متعوده علي بعده
تمتم بالدعاء : ربنا يهدي سرهم ويهنيهم
نادا نيره التي أتت علي الفور :
– هااا لسه حبيبه بابي زعلانه
نكست راسها : أبدا يا بابا مقدرش أزعل من حضرتك
تحدث وهو يقلدها
– أبدا يا بابا مقدرش أزعل من حضرتك بالشكل ده أومال لو زعلانه ، مش أنا وعدتك مش هعطيكي غير للراجل اللي يستحقك ويحافظ عليكي أديني يا ستي وفيت بوعدي وروحت طلبت إيد سي ياسر من أمه
اتسعت أعينها بصدمه من كلام والدها:
– حضرتك عملت أيه
ضحك وهو يهتف :
– كان شكله مسخره وهو فاتح الباب لابس مريله المطبخ وحاطت فوق رأسه طقيه زي بتوع الشيفات وماسك كارنيب المبدع حرق الغدا النهارده
– مين ده يا بابا
ضحك : شمشون الجبار اللي سيادتك خاصمتيني عشانه
جلست أمامه تريد فهم ألغاز أبيها :
– هو حضرتك زورت بيت ياسر
– أه وشوفت مواهبه في الاكل و قرأنا الفاتحه واتفقنا جأي بكره ومافيش حاجه غير الفاتحه لحد ما تخلصي إمتحانات وتجيبي المجموع اللي وعدتيني بيه وإلا مافيش جواز
قفزت من فوق كرسيها تحتضنه وتقبله تحت ضحكاته الصاخبه لتتوجه لغرفه أختها تزف إليها البشاره لتضمها حنان بحنان وتبارك لها بكل الحب
*****
في المساء أتي محمود يحمل الحلوي استقبله أولاده بفرحه كبيره ليضمهم لصدره بترحاب استقبله كلا من إبراهيم وسهر بحفاوه كأنه ابنهم العائد بعد غياب
بينما في غرفه حنان تشغل موسيقي هاتفها بصوت مرتفع حتي لا تسمعى حنان صوتهم و تتفاجا من وجوده التي استجابه لأختها بعد محايله حتي تشاركها فرحتها
خرجت وجدته علي مقربه من الغرفه ابتسمت بحب :
– يلا يا أبيه عايزه كلنا نكون مبسوطين بكره
غمز لها : اعتبريه حصل
– ياعم الواثق أنت ربنا يهنيكم
فتح الباب دون طرق وهي لم ترفع رأسها لعلمها مسبقا أنها نيره لكنها انتفضت عندما تحدث : ملاكي حزين ليه
توجه له بسرعه و ارتمت في أحضانه دون كلام أو عتاب وظلت تبكي من جرحها له بينما هو ضمها بقوه يعبر لها عن اشتياقه وعندما كفت عن البكاء همس بحب :
– وحشتيني يا حنون وحشتيني قوي يا عمري
رفعت عيونها الدامعه :
– أول مره تكون قاسي عليا كده مافيش حد بيتعاقب من أول غلطه
أجلسها وجلس معها وهي مازالت في حضنه
– عمري ما عرف أقسي عليكي دي كان عقاب عشان الكلمه دي ما تنطقش تاني مهما كان السبب ، أوعي تخلي حد مهما كان مين يحط علاقتنا في كفه قصاد أي شيء مهما كان غالي علينا علاقتنا أقوي و أغلي وقت ما سمعت الكلمه اندبحت وقلبي نزف أوعي تعملي فيه كده تاني
وضعت رأسها علي صدره وهي تعتذر:
– أسفه أخر مره تحصل أنا اتعلمت الدرس خلاص
قبل أعلي رأسها وهو يتحدث بشقاوه :
– طب أيه هنقضي اليوم كده ولا نروح
ابتسمت بخجل :
– لا والله مش وقته خالص أنا مستعد أقوم أقفل الباب من جوه وأكون معاكي في لحظه
– محمود وبعدين معاك
*****
جهزت نيره وسهر طعام العشاء وجدوا محمود وحنان يخرجون من الغرفه ويدهم محتضنه بعض وهي ترتدي ملابس الخروج
نيره بسؤال : رايحين فين
رد محمود : مروحين
– لا أنا تعبت في تجهيز العشاء وبعدين الولاد ناموا
– لا معلش هنتعشي في البيت وعز الطلب أن الولاد ناموا

رمقه إبراهيم بضيق لطريقته أمام الفتاه ابتسم واعتذر بعيونه
ليتحدث إبراهيم بخبث :
– شوفوا البنت ماشيه مع جوزها ولا اعترضت عشان قرأه فتحت أختها بكره ولا ولادها اللي نايمين
ضغط محمود علي يدها :
– بكره إن شاء الله نكون معاكم لكن الوقت سلام
و جذبها لتتحرك جواره دون كلام وبعد أن أغلقوا الباب ضحك إبراهيم :
– شايفه مش قولتلك مجرد ما ييجي هتبيع الكل حتي ولادها
– ربنا يهنيهم يا حج يعني إحنا عايزين أيه
*****
ثاني يوم في المساء اجتمع الكل حتي حسام والد محمود وتم قرأه الفاتحه تحت سعاده الكل
تحدث إبراهيم :
– شوف قدام الكل مافيش اتصالات مافيش مقابلات ولا زيارات غير يوم في الاسبوع مسموحلك ساعه معانا غير كده لا
ثم وجه حديثه لزينب : طبعا الحجه زينب خارج الشروط دي بيتي مفتوحلك في أي وقت وكل وقت والاتصال مباح ليكي
ثم رجع لياسر : عايزها تركز عشان تجيب مجموع حلو ولو وجودك أثر عليها بالسلب مافيش جواز
ياسر بلهفه : لا مش هشغلها خالص
ثم إلتفت لها وهو يهتف:
– في عرضك هاتي مجموع أكبر من المتفق عليه أصل أخلل جنبك
ليضحك الجميع بينما وقفت حنان تضم أختها وهي :
– تهنئها ألف مبروك يا قلب أختك

تمت…
بقلم أمل مصطفى.